ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: Հայաստանի ռուսական ռազմակայանի զինծառայողները հարյուրից ավելի զինվորական հուշահամալիրներ ու հուշարձաններ են վրականգնել Հայրենական մեծ պատերազմում հաղթանակի 73-րդ տարեդարձի նախաշեմին:

Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, Գյումրիի եւ Երեւանի զինվորական կայազորների տարածքում միավորման զինծառայողները հուշարձանների նորոգման ու ներկման աշխատանքներ են կատարել «Ռազմական փառք», «Պատվո բլուր», «Տանկիստ մարտիկներին», «Հրետավոր մարտիկներին» հուշահամալիրներում եւ զինվորական այլ գերեզմանատներում: Նաեւ զինվորական ավաններում ու դրանց սահմաններից դուրս կատարվել են ներկման աշխատանքներ, վերականգնվել են ռազմական տեխնիկայի պատվանդանները, բարեկարգվել Է դրանց հարակից տարածքը:

Մայիսի 9-ին Գյումրիում եւ Երեւանում կանցկացվեն հանդիսավոր միջոցառումներ՝ նվիրված Հայրենական մեծ պատերազմում ՀաԷթանակի օրվան: Գյումրիի «Ռազմական փառք» եւ Երեւանի «Մայր Հայաստանի» հուշահամալիրներում կանցկացվեն տոնական հանրահավաքներ եւ Գյումրիի ու Երեւանի կայազորների ստորաբաժանումների հանդիսավոր տողաններ, զինծառայողներն ու նրանց ընտանիքների անդամները ծաղկեպսակներ ու ծաղիկներ կդնեն Անմար կրակի մոտ եւ ռուս զինվորների շիրիմներին: