Հեծանվորդ Էդգար Ստեփանյանը կրկին ոսկե մեդալ է նվաճել 

ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Հեծանվասպորտի Հայաստանի հավաքականի անդամ Էդգար Ստեփանյանը կրկին հաջող ելույթներ է ունեցել ԱՄՆ-ում:

«Արմենպրես»-ի հաղորդմամբ` Ստեփանյանը մասնակցել է «Dana Point Grand Prix»-ին: Հայ հեծանվորդը «Velo Pasadena Racing»-ի թիմում գրավել է առաջին տեղը:

Էդգար Ստեփանյանը մեկ տարով պայմանագիր ունի «Velo Pasadena Racing»-ի հետ: Սա Ստեփանյանի երկրորդ մեդալն էր ԱՄՆ-ում: Մինչ այս հայ հեծանվորդը «Ontario Race Series» մրցաշարում ևս արժանացել էր ոսկե մեդալի: