Կոսովոյի խորհրդարանի խոսնակը ներկայացրել Է Սերբիայի հետ բանակցությունների ծրագիրը
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Կոսովոյի խորհրդարանի նախագահ Քադրի Վեսելին ապրիլի 23-ին պատգամավորներին Է ներկայացրել Բրյուսելում Սերբիայի իշխանությունների հետ հետագա բանակցությունների ծրագիրը: Այդ մասին, ինչպես տեղեկացնում Է «Արմենպրես»-ը, հայտնել Է Կոսովոյի Ռադիոն եւ հեռուստատեսությունը:
Կոսովոյի Դեմոկրատական կուսակցության առաջնորդը եւ խորհրդարանի նախագահն իր փաստաթուղթը նվիրել Է ոչ միայն Պրիշտինայի եւ Բելգրադի հարաբերություններին, այլեւ բուն Կոսովոյում քաղաքական ուժերի միջեւ «քաղաքական փոխհամաձայնության հասնելուն»: «Կարեւորագույն հարցերի թվում, որոնք համարում եմ հիմնականը սույն ծրագրում, եւ որոնց համար անհրաժեշտ Է փոխհամաձայնություն եւ համապետական մոտեցման ձեւավորում. երկխոսություն Սերբիայի հետ, սերբական մեծամասնության հետ մունիցիպալիտետների Ասոցիացիայի (Հարնակցության – խմբ.) ձեւավորում, Կոսովոյի բանակի ստեղծում, եվրոպական ինտեգրացման ուղի եւ ընտրությունների բարենորոգում»,- մեջբերում Է հեռուստաալիքը Վեսելիի խոսքը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում