Մեկնարկեց Եվրոպայի շախմատի կանանց անհատական առաջնությունը
11:21, 9 Ապրիլ 2018
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Սլովակիայում մեկնարկեց Եվրոպայի շախմատի կանանց անհատական առաջնությունը:
«Արմենպրես»-ի հաղորդմամբ`անդրանիկ տուրում Հայաստանի ներկայացուցիչներից հաղթանակ է տոնել միայն Աննա Սարգսյանը: Լիլիթ Մկրտչյանը, Էլինա Դանիելյանը, Մարիա Կուրսովան, Սիրանուշ Ղուկասյանը պարտիաներն ավարտել են ոչ-ոքի արդյունքով: Մարիա Գևորգյանը պարտություն է կրել:
Եվրոպայի շախմատի կանանց անհատական առաջնության մրցանակային ֆոնդը կազմում է 70.000 ԱՄՆ դոլար: Մրցաշարը բաղկացած է 11 տուրից: Այն մեկնարկել է ապրիլի 7-ին և կեզրափակվի ապրիլի 20-ին:
Բաժանորդագրվեք մեր ալիքին Telegram-ում