ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Բադեն-Բադենի մրցաշարում հայկական շախմատի առաջատար Լևոն Արոնյանի հաջորդ մրցակիցը կլինի կանանց աշխարհի նախկին չեմպիոն Հոու Յիֆանը:

«Արմենպրես»-ի հաղորդմամբ` մեկօրյա հանգստից հետո մեկնարկող 4-րդ տուրում մյուս զույգերը կկազմեն` Կարլսենը և Լագրավը, Վիտյուգովը և Անանդը, Կարուանան և Նայդիչը, Բլուբաումը և Մայերը:

3-րդ տուրից հետո 2,5-ական միավորով մրցաշարային աղյուսակի առաջատարներ են Նիկիտա Վիտյուգովը և Մաքսիմ Վաշիե-Լագրավը: 2-ական միավոր ունեն Արոնյանը, Կարուանան, Կարլսենը:

«GRENKE Chess Classic» մրցաշարը մեկնարկել է մարտի 31-ին և կավարտվի ապրիլի 9-ին: Անցյալ տարի Արոնյանն այս մրցաշարի հաղթող էր դարձել՝ 7 հնարավորից վաստակելով 5.5 միավոր և միանգամից 1.5 միավորով առաջ անցնելով 2-3-րդ հորիզոնականները զբաղեցրած Մագնուս Կարլսենից և Ֆաբիանու Կարուանայից: