Լեհաստանի ԱԳ նախարարը դժգոհել Է ԵՄ-ում ժողովրդավարության անբավարարությունից
ԵՐԵՎԱՆ, 21 ՄԱՐՏԻ, ԱՐՄԵՆՊՐԵՍ: Լեհաստանը գտնում Է, որ Եվրամիությանը չի բավականացնում ժջողովրդավարությունը: Հանրակցության երկրները եւ դրանց ժողովուրդները բավարար չափով չեն պաշտպանում Բրյուսելի քաղաքականությունը: Այդ մասին, ինչպես հայտնել Է ՏԱՍՍ-ը, մարտի 21-ին հայտարարել Է հանրապետության արտաքին գործերի նախարար Յացեկ Չապուտովիչը, տեղեկացնում Է «Արմենպրես»-ը:
«ԵՄ-ում ժողովրդավարության պակասը ոչ թե խոսքի պատկերավոր արտահայտություն Է, այլ իրականություն»,- ասել Է նախարարը՝ Սեյմում (Լեհաստանի խորհրդարանի ստորին պալատում) ելույթ ունենալով իր գերատեսչության ծրագրային ճառով:
«Եվրամիության գլխավոր խնդիրը իր գործողությունների համար քաղաքական պաշտպանություն ստանալն Է: ԵՄ-ի ինտեգրացման հետագա խորացումը հնարավոր Է սոսկ այն ձեւով, որն ընդունվում Է բոլոր երկրների եւ ժողովուրդների կողմից,- ընդգծել Է Չապուտովիչը:- Եվրահանձնաժողովը գերկառավարություն չԷ, իսկ Եվրախորհրդարանը գերխորհրդարան չԷ, որոնք երկրների եւ ժողովուրդների կառավարման լիազորություններ ունեն: Լեհաստանը գտնում Է, որ Եվրամիությունը կարող Է ուժեղ լինել միայն իր ժողովուրդների աջակցության հաշվին»:
Բաժանորդագրվեք մեր ալիքին Telegram-ում