Հայաստանում ակտիվորեն իրականացվում է 54 կառուցապատման ներդրումային ծրագիր
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Հայաստանի քաղաքաշինության պետական կոմիտեն ակտիվորեն զբաղվում է ներդրումային կառուցապատման ծրագրեր կազմելով: Կոմիտեի կողմից համակարգվող 54 կառուցապատման ներդրումային ծրագրերն իրականացվում են պետական և մասնավոր վարկային միջոցների հաշվին:
«Արմենպրես»-ի հաղորդմամբ՝ փետրվարի 23-ին լրագրողների հետ զրույցում այս մասին ասաց կոմիտեի նախագահ Նարեկ Սարգսյանը:
« 2017-ի կառուցապատման ներդրումային ծրագրերի ընդհանուր կատարողականի կանխատեսման ցուցանիշը կազմել է մոտ 87 340 000 ԱՄՆ դոլար: Այս տարվա հունվարի 1-ի դրությամբ ներդրումային ծրագրերի կանխատեսման ցուցանիշը կազմել է 99 200 000 ԱՄՆ դոլար»,-ասաց Սարգսյանը:
Ծավալներով առանձնանում են Երևանի 33-րդ թաղամասի՝ ներկայիս Ֆիրդուսի շուկայի տարածքի, «Նոյ» ազգագրական թաղամասի, «Հին Երևան» կառուցապատման ներդրումային ծրագրերը: Պետական բյուջեի հաշվին ավարտվել են Գավառի թատրոնի շենքի և շատ այլ կառույցների շինարարություններ:
Բաժանորդագրվեք մեր ալիքին Telegram-ում