Մակրոնը կմասնակցի Ելիսեյան պալատում «Պետյան եւ գայլը» ներկայացմանը
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Ֆրանսիայի նախագահ Էմանուել Մակրոնը դերակատարներից մեկը կլինի Սերգեյ Պրոկոֆեւի «Պետյան եւ գայլը» երաժշտական հեքիաթում, որը ներկայացվելու Է Ելիսեյան պալատում: Այդ մասին, ինչպես տեղեկացնում Է «Արմենպրես»-ը, փետրվարի 22-ին հայտնել Է BFM TV հեռուստաալիքը:
Հեռուստաալիքի տեղեկատվությամբ, նախագահի մասնակցությամբ ներկայացումը կկայանա հաջորդ հինգշաբթի օրը՝ մարտի 1-ին: Մինչ այդ, փետրվարի 26-ին եւ 27-ին, պլանավորվել են երկու փորձեր, որոնց Մակրոնը նույնպես մասնակցելու Է:
Նշվում Է, որ երեկոյին հրավիրված Է Ֆրանսիայի առաջին տիկինը՝ Բրիժիտ Մակրոնը: Թե ինչ դեր Է ներկայացման մեջ խաղալու նախագահը, առայժմ անհայտ Է:
Խորհրդային կոմպոզիտոր Սերգեյ Պրոկոֆեւը «Պետյան եւ գայլը» դասական մանկական երաժշտական հեքիաթն ստեղծել Է 1936 թվականին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում