Մեքսիկայում առնվազն 25 մարդ Է տուժել տուրիստական նավի վրա տեղի ունեցած պայթյունից
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Մեքսիկայի Կանտանա Ռոո նահանգում փետրվարի 21-ին առնվազն 25 մարդ Է տուժել տուրիստական նավի վրա տեղի ունեցած պայթյունից: Այդ մասին, ինչպես տեղեկացնում Է «Արմենպրես»-ը, Televisia հեռուստաալիքին հայտնել Է Պլայա դել Կարմեն քաղաքի քաղաքացիական պաշտպանության եւ հրշեջ պահպանության վարչության ղեկավար Խուան Կառլոս Սոսան:
«Նավի վրա եղել Է ավելի քան 140 մարդ,- ասել Է Սոսան:- Վերջին տվյալների համաձայն՝ տուժել Է 25 մարդ»: Վնասվածքներ ստացածների թվում 20-ը մեքսիկացիներ են եւ հինգը օտարերկրացիներ, նրանց կյանքին վտանգ չի սպառնում, մի քանի մարդ արդեն դուրս Է գրվել հիվանդանոցից: Սոսան հավելել Է, որ պայթյունը տեղի Է ունեցել վերին տախտակամածներից մեկի վրա: Իշխանությունները պարզում են պատահածի պատճառները, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում