Ռիհաննան իր 30-ամյակի առթիվ լուսանկարվել Է «Ես ատում եմ Ռիհաննային» մակագրությամբ շապիկով
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Բարբադոսցի փոփ-աստղ Ռիհաննան փետրվարի 20-ին իր 30-ամյակը տոնելու ինքնատիպ միջոց Է գտել: Նախօրյակին երգչուհին Instagram-ում զետեղել Է իր լուսանկարը՝ «Ես ատում եմ Ռիհաննային» մակագրությամբ շապիկով, տեղեկացնում Է «Արմենպրես»-ը:
Երգչուհին պարզաբանել Է, որ հասուն կյանք Է մտնում եւ այժմ ընդունում Է չմտածված արարքների ողջ պատասխանատվությունը: Շապիկի վրա ավելի մանր տառերով տրված խորհուրդն Է՝ «Մի հավատացեք նրանց, ովքեր 30-ից ցածր տարիքի են»: Նկարին ուղեկցում Է լակոնիկ գրառումը՝ «Վերջին օրն Է, երբ դեռ կարելի Է ոչ ճիշտ որոշում ընդունել եւ արդարանալ նրանով, որ քո տարիքն ընդամենը քսանից ավելի Է»:
Ռիհաննան ԱՄՆ-ի ամենահեղինակավոր երաժշտական մրցանակի՝ Grammy-ի ութակի դափնեկիր Է, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում