Ինչպես «Արմենպրես»-ին տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, բացման արարողությանը ցուցահանդեսի մասնակիցներին և հյուրերին ողջունել է Բավարիայի ներքին գործերի, քաղաքաշինության և տրանսպորտի նախարար Յոախիմ Հերմանը՝ ներկայացնելով Բավարիայի վարչապետ Հորստ Զեհոֆերի ուղերձը, Նյուրնբերգի քաղաքապետ Ուլրիխ Մալին և Սննդի ու գյուղատնտեսության հարցերով Գերմանիայի Դաշնային նախարարի տեղակալ Հերման Օնկո Այկենսը: Բացման արարողությանը մասնակցել է նաև ՀՀ գյուղատնտեսության փոխնախարար Արմեն Հարությունյանը:

Փետրվարի 15-ին Հայկական տաղավար է այցելել ԳԴՀ-ում ՀՀ դեսպան Աշոտ Սմբատյանը, ով ՀՀ գյուղատնտեսության փոխնախարարի ուղեկցությամբ շրջայց է կատարել տաղավարով և ծանոթացել է հայկական արտադրողների ներկայացված արտադրանքին: Քննարկվել են օրգանական սննդամթերքի ոլորտում հայ-գերմանական համագործակցության առավել խորացման հեռանկարները և այդ ուղղությամբ ջանքերի համադրման հնարավորությունը: