Գյումրու «Շիրակ»-ը համալրում է կազմը
13:20, 10 Փետրվար 2018
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Գյումրու «Շիրակ»-ը Հայաստանի առաջնության երկրորդ շրջանի մեկնարկից առաջ շարունակում է համալրել կազմը:
«Արմենպրես»-ի հաղորդմամբ` գյումրեցիների կազմ են վերադարձել կենտրոնական պաշտպան, սերբ Մարկո Պրլևիչը և հարձակվող Դավիթ Ղանդիլյանը։ Երկու ֆուտբոլիստների պայմանագրերը նախատեսված է մինչև սույն թվականի օգոստոսի 1-ը։
Հինգ տարվա պայմանագիր է ստորագրվել Ռաֆիկ Միսակյանի հետ, ով 12 տարեկանում տեղափոխվել էր «Բանանց» «Շիրակ»-ի մանկապատանեկան թիմից։
«Շիրակը» երեք տարվա պայմանագիր է կնքել 21-ամյա ձախ պաշտպան Ժիրայր Մարգարյանի հետ, որը մինչ գյումրեցիներին միանալը հանդես էր գալիս «Բանանցում»:
Բաժանորդագրվեք մեր ալիքին Telegram-ում