Էդուարդ Շարմազանովը «Բազմազավակ ընտանիքների մասին» ՀՀ օրենքի նախագիծը քննարկել է բազմազավակ ծնողների հետ
1 րոպեի ընթերցում
![Էդուարդ Շարմազանովը «Բազմազավակ ընտանիքների մասին» ՀՀ օրենքի նախագիծը քննարկել է բազմազավակ ծնողների հետ](http://armenpress.am/resized/480/static/news/b/2018/02/921314.jpg)
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: ՀՀ ԱԺ նախագահի տեղակալ Էդուարդ Շարմազանովը փետրվարի 2-ինհանդիպել է բազմազավակ ծնողների հետ:
Ինչպես «Արմենպրես»-ին տեղեկացրին ՀՀ ԱԺ հանրային կապերի վարչությունից, հանդիպման ընթացքում քննարկվել են «Բազմազավակ ընտանիքների մասին» ՀՀ օրենքի նախագծի դրույթներին առնչվող հարցեր: ՀՀ ԱԺ փոխնախագահն ընդգծել է, որ բազմազավակ ընտանիքն ազգային արժեք է՝ հավելելով, որ մշտապես պետության ուշադրության առանցքում են նրանցհուզող հարցերն ու խրախուսելու կարեւորությունը:
Անդրադարձ է կատարվել այդ ընտանիքների սոցիալական, կրթական, առողջապահական, բնակարանային ապահովության խնդիրներին եւ այս հարցում պետության աջակցությանը: Առաջիկայում հանդիպելու եւ ԱԺ առողջապահության ու սոցիալական հարցերի մշտական հանձնաժողովում խնդիրներն առավել հանգամանալի քննարկելու պայմանավորվածություն է ձեռք բերվել: