Ֆիլիպինների իշխանություններն ընդլայնել են տարահանման գոտին հրաբխի սպառնալիքի պատճառով
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Ֆիլիպինների իշխանությունները շարունակում են տեղի բնակիչների տարահանումը Մայոն հրաբխի ժայթքման՝ պահպանվող սպառնալիքի պատճառով: Այդ մասին, ինչպես տեղեկացնում Է «Արմենպրես»-ը, հայտնել Է Philippine Star հրատարակությունը:
AP գործակալությունը նշում Է, որ Ֆիլիպինների Ալբայի նահանգում գրեթե 15 հազար բնակիչներ են հեռացել արթնացած Մայոն հրաբխի մերձակա 7 կիլոմետր շառավղի տարածքում գտնվող բնակավայրերից: Հրաբխի հավանական ժայթքման պատճառով նաեւ ժամանակավորապես դադարեցված են պարապմունքները տեղի դպրոցներում:
Որոշ ուսումնական հաստատություններ իշխանությունների ցուցումով վերասարքավորել-դարձրել են ժամանակավոր տեղավորման կենտրոններ: Մասնագետները մի քանի ժամում ինը ցնցումներ են գրանցել, դրանցից չորսն ուղեկցվել են լավայի ժայթքմամբ եւ հրաբխային մոխրի արտանետմամբ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում