Գիտնականները պարզել են, թե խմած տղամարդիկ ինչպես են ընկալում կանանց
2 րոպեի ընթերցում
![Գիտնականները պարզել են, թե խմած տղամարդիկ ինչպես են ընկալում կանանց](http://armenpress.am/resized/480/static/news/b/2017/12/917040.jpg)
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Ալկոհոլային խմիչքներ օգտագործած տղամարդիկ հակված են կանանց ընկալել որպես սեքսի զուգընկերներ: Այս եզրակացությանն են եկել ԱՄՆ-ի Նեբրասկա-Լինքոլնի համալսարանի գիտնականները:
Նրանց աշխատությունը հրապարակել Է MedicalXpress-ը, տեղեկացնում Է «Արմենպրես»-ը: Հետազոտությանը մասնակցել Է 20-ից 30 տարեկան 50 տղամարդ: Նրանց մի մասը խմել Է ալկոհոլային կոկտեյլներ, մյուսն օգտագործել Է պլացեբո (փուչ-խմիչք), այնուհետեւ նրանց ցույց են տվել երեկոյան զգեստներով երիտասարդ կանանց լուսանկարներ:
Կամավորներին խնդրել են գնահատել կանանց գրավչությունը եւ կազմել հոգեբանական դիմանկար, ընդ որում նրանց հայացքին հետեւել Է հատուկ համակարգը: Գիտնականները պարզել են, որ խմած տղամարդիկ ավելի երկար նայել են կանանց կրծքին ու իրանին, քան դեմքին:
Տարբերությունն ավելի նկատելի Էր, եթե կանայք կամավորների մեծամասնության կողմից նկարագրվում Էին որպես «գրավիչ» եւ «անվստահ»: Միեւնույն ժամանակ, եթե կինը «ինքնաբավ» ու «բարի» մարդու տպավորություն Էր թողնում, սթափ տղամարդիկ ավելի շատ ժամանակ Էին հատկացնում դիմագծերի ուսումնասիրությանը: Ալկոհոլն ուժեղացրնում Էր այդ տարբերությունը. «խմած» կամավորները գրեթե չԷին նայում այն կանանց մարմնին, որոնք վստահություն Էին ճառագում, հաղորդել Է ՌԻԱ Նովոստին: