ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: Բրիտանացի գրող Ջոան Ռոուլինգը, որն ստեղծել Է Հարի Փոթերի մասին մատենաշարը, դեկտեմբերի 12-ին պարգեւատրվել Է բրիտանական Պատվո ասպետների շքանշանով: Այս մասին, ինչպես տեղեկացնում Է «Արմենպրես»-ը, հայտնել Է Daily Mail (DM) թերթը:

Պարգեւի հանձնման արարողությունը տեղի Է ունեցել Բուքինգհեմյան պալատում: «Ինձ համար պատիվ եւ հպարտություն Է այս պարգեւն ստանալը»,- մեջբերում Է անում հրատարակությունը գրողի խոսքից:

Շքանշանի հանձնումը տեղի Է ունեցել պատանի կախարդի մասին առաջին գործի՝ «Հարի Փոթերը եւ փիլիսոփայական քարը» (Harry Potter and the Philosopher՚s Stone, 1997 год) գրքի հրատարակումից 20 տարի անց:

Պատվո ասպետների շքանշանը պարգեւ Է տարբեր բնագավառներում (արվեստում, գրականության, երաժշտության, գիտության եւ այլ ասպարեզներում) ակնառու նվաճումների համար: Այն 1917 թվականին հիմնել Է Գեորգ V թագավորը: Շքանշանի ասպետների թվում են՝ գիտնական Սթիվեն Հոքինգը, Մեծ Բրիտանիայի ֆինանսների նախկին նախարար Ջորջ Օսբոռնը եւ երաժիշտ Փոլ Մակքարթնին, հաղորդել Է ՏԱՍՍ-ը: