ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Կատալոնիայի խորհրդարանը, որն արձակվել Է Իսպանիայի կառավարության կողմից, ընդունել Է այդ որոշումը եւ դադարեցրել աշխատանքը մինչեւ վաղաժամկետ ընտրությունների անցկացումը: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել են օրենսդիր մարմնի մամուլի ծառայությունում:

Խորհրդարանի նախագահության՝ հոկտեմբերի 31-ին նշանակված նիստը չեղարկվել Է: Մադրիդում հույս են հայտնել, որ վաղաժամկետ ընտրությունները թույլ կտան «վերականգնել իրավական պետությունը»:

«Կատալոնիայի ձախ հանրապետականներ» կուսակցությունը, որը քվեարկել Էր տարածաշրջանի անկախության բանաձեւի օգտին, հայտարարել Է, որ վարչապետ Մարիանո Ռախոյը վաղաժամկետ ընտրություններ հայտարարելու «լիազորություններ» չուներ: Միեւնույն ժամանակ կուսակցությունը մտադիր Է մասնակցել ընտրություններին, որպեսզի «դրանք վերածի հնարավորության»:

Այսօր առավոտյան խորհրդարանի խոսնակ Կարմե Ֆորկադելը՝ անկախության հռչակման ամենաթունդ կողմնակիցներից մեկը, հայտնվել Է շենքում: Նա պահպանում Է իր պաշտոնը մինչեւ դեկտեմբերին 21-ին նշանակված վաղաժամկետ ընտրությունների անցկացումը: