Բարսելոնայում ցույցի տասնյակ հազարավոր մասնակիցներ հանդես են եկել Իսպանիայի միասնականության օգտին
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Տասնյակ հազարավոր մարդիկ են դուրս եկել Բարսելոնայի փողոցներ՝ հանդես գալով Իսպանիայից Կատալոնիայի անկախության դեմ, հայտնում է BBC հեռուստառադիոընկերությունը։
Ինչպես հաղորդում է «Արմենպրես»-ը՝ վկայակոչելով «Ինտերֆաքս»-ը, շատ ցուցացարներ բռնել են ինչպես իսպանական, այնպես էլ կատալոնյան դրոշներ։ Բացի այդ, ցուցացարներներ հմչեցնում են «Ես իսպանացի եմ» և «Կատալոնիան Իսպանիա» է կարգախոսներ։
Նախօրեին հաջակցություն Իսպանիայի միասնականության ցույցեր են անցկացվել երկրի նաև այլ քաղաքներում, այդ թվում՝ Մադրիդում։
Հոկտեմեբերի 8-ին ավելի վաղ Իսպանիայի վարչապետ Մարիանո Ռախոյը հայտարարել է, որ Իսպանիայի կառավարությունը թույլ չի տա երկրից Կատալոնիայի անջատումը և կանի ամեն ինչ ազգային միասնականության պահպանման համար։
Կատալոնիայում հոկտեմբերի 1-ին անցել է անկախության մասին հանրաքվեն, որը փաստորեն խափանվել է Իսպանիայի իրավապահ մարմինների կողմից և ուղեկցվել է զանգվածային անկարգություններով, որոնց հետևանքով բազմաթիվ տուժածներ կան։ Իսպանիայի սահմանադրական դատարանը քվեարկությունը ճանաչել է որպես սահմանադրությանը չհամապատասխանող։
Մադրիդը հայտարարել է, որ մտադիր չէ բանակցություններ վարել Բարսելոնայի հետ այն բանի համար, որ այդ հանրաքվեն անօրինական է համարում։
Չնայած դրան, տարածաշրջանի անկախության օգտին հանդես եկող քաղաքական գործիչները պատրաստվում են հոկտեմբերի 9-ին սկսել Կատալոնիայի խորհրդարանի լիագումար նիստ՝ հանրաքվեի հետևանքները քննարկելու համար։
Լուսանկարը՝ Reuters
Բաժանորդագրվեք մեր ալիքին Telegram-ում