Ժամանակը Երևանում՝ 11:07:36,   21 Սեպտեմբեր

Հայաստանը օրգանական գյուղմթերք արտահանելու մեծ ներուժ ունի


ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանն օրգանական գյուղմթերք արտահանելու մեծ ներուժ ունի: «Արմենպրես»-ի հաղորդմամբ՝ սեպտեմբերի 14-ին լրագրողների հետ հանդիպմանն այս մասին ասաց «Օրգանական գյուղատնտեսություն աջակցության նախաձեռնություն» դրամաշնորհային ծրագրի թիմի ղեկավար Դեյվիդ Մուքենհուբերը:

«Չնայած Հայաստանում ոչ բոլոր վայրերն են պիտանի օրգանական արտադրություն հիմնելու համար, սակայն շատ վայրեր, հատկապես հիանալի բնությամբ բարձրադիր հատվածները հարմար են օրգանական արտադրություն սկսելու համար»,-ասաց Դեյվիդ Մուքենհուբերը:

Նրա խոսքով՝ այս տարի փետրվարին Գերմանիայում իրականացած օրգանական փառատոնին հայկական արտադրանքի նկատմամբ մեծ հետաքրքրություն է եղել:

«Մենք ներկայում աշխատում ենք շուկաների դիվերսիֆիկացման ուղղությամբ , ոչ թե կենտրոնանում մեկ շուկայի վրա: Եվրոպական շուկան մեծ պոտենցիալ է հայկական օրգանական արտադրողների համար»,- ասաց դրամաշնորհային ծրագրի թիմի ղեկավարը:

Նրա խոսքով՝ «Օրգանական գյուղատնտեսություն աջակցության նախաձեռնություն» դրամաշնորհային ծրագիրը Հայաստանում նպաստում է օրգանական գյուղատնտեսության զարգացմանը: Դրա շնորհիվ տրվում են դրամաշնորհներ, ինչպես նաև նյութատեխնիկական աջակցություն:



Տպել    |  In English

Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ