Հնդկաստանում ջրհեղեղի հետևանքով զոհվել է 153 մարդ
12:49, 19 Օգոստոս 2017
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Հնդկաստանի արևելյան Բիհար նահանգում տեղի ունեցած ջրհեղեղի հետևանքով զոհերի թիվը հասել է 153-ի, աղետի գոտում գտնվել է ավելի քան 10 մլն մարդ: «Արմենպրես»-ի փոխանցմամբ՝ NDTV հեռուստաընկերությունը տեղեկացրել է, որ ջրհեղեղի պատճառ են դարձել հզոր հորդառատ անձրևները, որոնք չեն դադարել մի քանի օր:
Հեռուստաընկերության տեղեկություններով, տուժածներին օգնություն ցուցաբերելու նպատակով այդ շրջան է ուղևորվել ռազմական միավորում. զինծառայողները կառուցում են փախստականների ժամականավոր տեղակայման ճամբար: Իշխանությունները տուժած բնակիչների համար հիմնել են անվճար 1700 խոհանոց:
Բաժանորդագրվեք մեր ալիքին Telegram-ում