Նոր Գեղիում վագոն-տնակ է այրվել
14:59, 23 Հուլիս 2017
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունը հուլիսի 23-ին, ժամը 03:42-ին ահազանգ է ստացել, որ Կոտայքի մարզի Նոր Գեղի գյուղի վերջնամասում այրվում է խոտածածկ տարածք:
Դեպքի վայր է մեկնել երկու մարտական հաշվարկ:
Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, պարզվել է, որ այրվում է ոչ բնակելի վագոն-տնակ:
Հրդեհը մեկուսացվել է ժամը 04:20-ին, մարվել՝ 05:42-ին:
Ամբողջությամբ այրվել է վագոն-տնակը (մոտ 21 քմ):
Բաժանորդագրվեք մեր ալիքին Telegram-ում