ԱՄՆ-ը տուրիստական ֆիրմաներին ծանուցել Է ԿԺԴՀ ուղեւորությունների արգելքի մասին
14:29, 21 Հուլիս 2017
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Young Pioneer Tours տուրիստական ընկերությունը հաղորդել Է ԱՄՆ-ի իշխանությունների կողմից ԿԺԴՀ ուղեւորությունների արգելք սահմանելու մասին, հայտարարությունը հրապարակվել Է ընկերության կայքում, տեղեկացնում Է «Արմենպրես»-ը:
«Մեզ ծանուցել են, որ ԱՄՆ-ի կառավարությունն այլեւս իր քաղաքացիներին չի թույլատրի ուղեւորություններ իրականացնել ԿԺԴՀ (Հյուսիսային Կորեա): Սպասվում Է, որ արգելքն ուժի մեջ կմտնի ոչ ուշ, քան հուլիսի 27-ից հետո 30 օր անց: 30 օր անց ԱՄՆ-ի ցանկացած քաղաքացու անձնագիրը, որը կմեկնի Հյուսիսային Կորեա, անվավեր կդարձվի»,- ասված Է հայտարարության մեջ:
Reuters գործակալության տվյալներով՝ եւս մեկ տուրիստական ընկերություն՝ Koryo Tours-ը, որն ուղեւորություններ Է կազմակերպում ԿԺԴՀ, նույնպես ծանուցել Է ԱՄՆ-ի նոր արգելքի մասին:
Արգելքի գործողության ժամկետի մասին չի նշվում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում