Մոսկվա-Երեւան չվերթի ինքնաթիռը հարկադիր վայրէջք է կատարել, վատ զգացող կինը մահացել է
1 րոպեի ընթերցում
![Մոսկվա-Երեւան չվերթի ինքնաթիռը հարկադիր վայրէջք է կատարել, վատ զգացող կինը մահացել է](http://armenpress.am/resized/480/static/news/b/2017/07/899053.jpg)
ԵՐԵՎԱՆ, 18 ՀՈՒԼԻՍԻ, ԱՐՄԵՆՊՐԵՍ: Մոսկվա-Երեւան չվերթ իրականացնող ինքնաթիռը հուլիսի 16-ին հարկադիր վայրէջք է կատարել Վոլգոգրադի օդանավակայանում: Այս մասին «Արմենպրես»-ին տեղեկացրեց ՀՀ քաղաքացիական ավիացիայի գլխավոր վարչության մամուլի քարտուղար Սաթենիկ Հովհաննիսյանը:
«Օդանավում գտնվող ուղևորներից մեկի ինքնազգացողությունը վատացել է: Որոշում է կայացվել, որ օդանավը վայրէջք կատարի Վոլգոգրադի օդանավակայանում: Օդանավը վայրէջք կատարելուց հետո կինն անմիջապես տեղափոխվել է հիվանդանոց, սակայն ճանապարհին մահացել է»,-ասաց Սաթենիկ Հովհաննիսյանը:
Ուղևորը 1936 թվականին ծնված կին էր, նա ՌԴ քաղաքացի էր: Նրան ուղեկցում էր որդին: