Ժամանակը Երևանում՝ 11:07:36,   25 Նոյեմբեր

Բելառուսում ՀՀ դեսպանը հանդիպել է այդ երկրում ԱԺ Ներկայացուցիչների պալատի նախագահի տեղակալի հետ


ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Բելառուսի Հանրապետությունում ՀՀ դեսպան Օլեգ Եսայանը հուլիսի 13-ին հանդիպեց Բելառուսի Հանրապետության Ազգային Ժողովի Ներկայացուցիչների պալատի նախագահի տեղակալ Բոլեսլավ Պիրշտուկի հետ:

Ինչպես «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից, հանդիպման ընթացքում կողմերն անդրադարձան երկկողմ և բազմակողմ ձևաչափերում ՀՀ և ԲՀ համագործակցությանը, միջազգային կառույցներում փոխադարձ աջակցությանը, ինչպես նաև տնտեսական կապերի ակտիվացմանը:

Զրուցակիցները հատուկ ուշադրություն դարձրեցին Հայաստանի և Բելառուսի խորհրդարանների միջև համագործակցության միջխորհրդարանական հանձնաժողովի աշխատանքներին, որի 10-րդ նիստն առաջիկայում կկայանա Երևանում:

Հանդիպմանը բելառուսական կողմից նաև ներկա էր Բելառուսի ԱԺ Ներկայացուցիչների պալատի միջազգային հարցերով մշտական հանձնաժողովի նախագահ Վալերի Վորոնեցկին:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ