«ԱՄՆ-ի ջանքերը հանգեցրեցին այն բանին, որ ՄԱԿ-ի բյուջետային կոմիտեն զգալիորեն կրճատեց խաղաղապահ գործունեության ամենամյա բյուջեն՝ ավելի քան կես միլիոն դոլարով՝ ՄԱԿ-ին դրդելով ավելի արդյունավետորեն կատարելու իր մանդատները»,- ասված Է ներկայացուցչության հաղորդագրության մեջ:

Խաղաղապահ գործողությունների համար ՄԱԿ-ի ծախսերը կազմում են 7,9 միլիարդ դոլար, այս գումարի 28,5 տոկոսը բաժին Է ընկնում ԱՄՆ-ին: Նոր նախագահ Դոնալդ Թրամփն ավելի վաղ հայտարարել Է, որ վճարները պետք Է կազմեն 25 տոկոսից ոչ ավելի: Ավելի վաղ հաղորդվել Է, որ խաղաղապահ գործունեության բյուջեի շուրջը բանակցությունների ընթացքում ԱՄՆ-ը պնդել Է մեկ միլիարդ դոլարով դրա կրճատումը: Այսպիսով, գումարը կկրճատվի մինչեւ 7,3 միլիարդ դոլար:

Ավելի վաղ հայտարարվել Է, որ ԱՄՆ-ը ձգտում Է հասնել ՄԱԿ-ի բոլոր 16 ընթացիկ խաղաղապահ առաքելությունների բարեփոխման՝ դրանց աշխատանքի արդյունավետության բարձրացման եւ ծախսերի կրճատման նպատակով, հաղորդել Է ՌԻԱ Նովոստին: