Սոնա Պողոսյանը կարողացավ բրոնզե մեդալ նվաճել, բայց այդքանով չի բավարարվում
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Հայաստանի կանանց ծանրամարտի հավաքականի անդամ, աշխարհի երիտասարդական առաջնության բրոնզե մեդալակիր Սոնա Պողոսյանը նպատակ ունի հաջորդ տարի դառնալ աշխարհի չեմպիոն:
«Իմ ելույթը ես շատ լավ եմ գնահատում: Կարողացա բրոնզե մեդալ նվաճել: Բայց այսքանով չեմ բավարարվում և ցանկություն ունեմ ավելի բարձր արդյունքների հասնել: Հաջորդ տարի ամեն ինչ կանեմ, որ արդեն աշխարհի չեմպիոն դառնամ»,-«Արմենպրես»-ի մամուլի սրահում լրագրողների հետ հանդիպման ժամանակ ասաց Պողոսյանը:
Տոկիոյում ընթացող ծանրամարտի աշխարհի երիտասարդների առաջնության կանանց 75 կգ քաշային կարգում Սոնա Պողոսյանը գրավեց 3-րդ տեղը: Նա պոկեց 98 կգ: Հրում վարժությունում մարզուհին բարձրացրեց 125 կգ և նվաճեց փոքր արծաթե մեդալ: Երկամարտի 223 կգ արդյունքով հայ ծանրորդը դարձավ բրոնզե մեդալակիր:
Բաժանորդագրվեք մեր ալիքին Telegram-ում