Մխիթարյանի գոլը հավակնում է դառնալ Պրեմիեր լիգայում լավագույնը
17:28, 2 Մայիս 2017
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի ավագ, «Մանչեսթեր Յունայթեդ»-ի կիսապաշտպան Հենրիխ Մխիթարյանի գոլը կարող է դառնալ Պրեմիեր լիգայի ընթացիկ մրցաշրջանի լավագույն գոլը:
«Արմենպրես»-ի հաղորդմամբ` The Sun պարբերականը ներկայացրել է անցնող մրցաշրջանի լավագույն գոլերի ցուցակը, որտեղ նաև Մխիթարյանի «կարիճ» հարվածով գոլն է: «Boxing Day»-ի ընթացքում Մխիթարյանը, ստանալով Իբրահիմովիչի փոխանցումը, կրունկով գնդակն ուղարկեց դարպասը: Այս գոլը լավագույնը ճանաչվեց նաև նախորդ տարվա դեկտեմբերին»,-ասված է պարբերական անդրադարձում:
Բացի Մխիթարյանից` լավագույն գոլի թեկանուներն են նաև «Լիվերպուլ»-ից Մրե Ջանը, «Արսենալ»-ից` Օլիվյե Ժիրուն և «Վեսթ Հեմի»-ից` Էնդի Քերոլը:
Բաժանորդագրվեք մեր ալիքին Telegram-ում