Մակրոնը հանդես Է եկել ծայրահեղականների ցուցակներ կազմելու օգտին
11:36, 2 Մայիս 2017
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Ֆրանսիայի նախագահի թեկնածու, «Հառաջ» շարժման առաջնորդ Էմանուել Մակրոնն անհրաժեշտ Է համարում, որ երկրում տվյալների բազաներ ստեղծվեն արմատականների եւ այլ անձանց վերաբերյալ, որոնք անկարգություններ են կազմակերպում պաշտոնապես թույլատրված ակցիաների ընթացքում: Ինչպես տեղեկացնում Է «Արմենպրես»-ը, այս կարծիքը նա հայտնել Է BFM TV հեռուստաալիքի եթերում: Թեկնածուն պատասխանել Է այն հարցին, թե ինքն ինչպես Է վերաբերվում այն անկարգություններին, որոնք Փարիզում տեղի են ունեցել մայիսմեկյան ցույցերի ընթացքում:
«Անհրաժեշտ Է, որ Ֆրանսիայում ստեղծվեն ծայրահեղական խմբավորումների բոլոր մասնակիցների ցուցակներ, եւ որ այդ անձինք գտնվեն մշտական հսկողության ներքո»,-ասել Է Մակրոնը: Նա ընդգծել Է, որ «հարկավոր Է անհրաժեշտ ամբողջ հանդերձանքով ապահովել ֆրանսիական ոստիկանության եւ ուժային մյուս գերատեսչությունների ստորաբաժանումներին, հարկ Է նրանց ավելի լավ պաշտպանել նման իրավիճակներում»: «Մենք անդրդվելի ենք լինելու նման երեւույթների դեմ պայքարում»,-խոստացել Է Ֆրանսիայի նախագահի թեկնածուն:
Չորս ոստիկան Է վիրավորվել Փարիզում մայիսմեկյան երթի ընթացքում տեղի ունեցած անկարգությունների հետեւանքով: Նրանցից մեկը լուրջ այրվածքներ Է ստացել այն բանից հետո, երբ նրա վրա հրկիզիչ խառնուրդով շիշ են նետել, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում