Սպիտակ տունը հայտնել Է Կիմ Չեն Ընի հետ Թրամփի հանդիպման պայմանները
10:23, 2 Մայիս 2017
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: Ներկայում պայմաններ չկան ԱՄՆ-ի նախագահ Դոնալդ Թրամփի եւ ԿԺԴՀ-ի ղեկավար Կիմ Չեն Ընի հանդիպման համար: Այս հայտարարությունն արել Է Սպիտակ տան պաշտոնական ներկայացուցիչ Շոն Սփայսերը: «Եթե Փենյանը շարունակի իր գործելակերպը, այդ պայմանները չեն Էլ հայտնվի»,- ճշտել Է նա, տեղեկացնում Է «Արմենպրես»-ը:
«Մենք պետք Է տեսնենք, որ նրանց սադրիչ գործելակերպն արագորեն վերացել Է»,- մեջբերում Է անում «Ինտերֆաքս»-ը Սփայսերի խոսքից: «Պարզ Է, որ առայժմ դրանից ոչ մի բան չի ստացվում»,- հավելել Է նա:
«Չեմ կարծում, թե դա տեղի կունենա մոտ ժամանակներս»,- եզրափակել Է Սփայսերը:
Մայիսի 1-ին ավելի վաղ Թրամփը հայտարարել Է, որ պատրաստ Է անձամբ հանդիպել Կիմ Չեն Ընի հետ: Դրա համար, Սպիտակ տան տիրոջ խոսքով՝ անհրաժեշտ են համապատասխան պայմաններ: «Եթե ինձ համար տեղին լիներ հանդիպել նրա հետ, (…) ինձ համար պատիվ կլիներ անել դա»,- ասել Է նա:
Թրամփը Fox News հեռուստաալիքին տված հարցազրույցի ժամանակ նաեւ հայտարարել Է, որ ինքը մտադրություն չունի «կարմիր սահմանագիծ» քաշելու Հյուսիսային Կորեայի հետ հարաբերություններում: «Ինձ դուր չի գալիս կարմիր գծեր քաշելը, բայց ես գործում եմ, եթե պետք Է գործեմ»,- ասել Է Թրամփը:
Բաժանորդագրվեք մեր ալիքին Telegram-ում