Պետդեպը ամերիկացիներին նախազգուշացրել Է Եվրոպայում ահաբեկչության սպառնալիքի մասին
09:59, 2 Մայիս 2017
ԵՐԵՎԱՆ, 2 ՄԱՅԻՍԻ, ԱՐՄԵՆՊՐԵՍ: ԱՄՆ-ի Պետական դեպարտամենտը երկրի քաղաքացիների համար նոր նախազգուշացում Է հրապարակել Եվրոպա ուղեւորությունների վերաբերյալ՝ ընդգծելով, որ այնտեղ պահպանվում Է ահաբեկչական գործողությունների սպառնալիքը, տեղեկացնում Է «Արմենպրես»-ը՝ հղում անելով BBC-ին:
Պետդեպը հիշեցնում Է Ֆրանսիայում, Ռուսաստանում, Շվեդիայում եւ Մեծ Բրիտանիայում վերջերս տեղի ունեցած միջադեպերի մասին, որոնք այդ երկրների իշխանությունները որակել են որպես ահաբեկչական գործողություններ, ինչպես նաեւ նախազգուշացնում Է, որ այնպիսի խմբավորումներ, ինչպիսին են «Իսլամական պետություն»-ը եւ «Ալ Քաիդա»-ն, առաջվա պես «հնարավորություն ունեն ահաբեկչական գործողություններ պլանավորել եւ իրականացնվել Եվրոպայում»:
Ընդգծվում Է, որ հարձակումների օբյետներ կարող են դառնալ օդանավակայանները, հյուրանոցները, առեւտրական կենտրոննները, ռեստորաններն ու ակումբները, ինչպես նաեւ տաճարները:
Պետդեպարտամենտի ներկայացուցիչը հայտարարել Է, որ այս նախազգուշացումը չի հիմնվում կոնկրետ սպառնալիքի վերաբերյալ տեղեկավության վրա, այլ պարզապես արձանագրում Է այն փաստը, որ Եվրոպայում ահաբեկչական գրոհները դեռեւս հնարավոր են, հատկապես ամառային տարեշրջան նախաշեմին:
Բաժանորդագրվեք մեր ալիքին Telegram-ում