Հասարակական

Շիրակի և Լոռու մարզերի ևս 100 ընտանիքի բնակարանային խնդիր լուծում է ստանում

1 րոպեի ընթերցում

Շիրակի և Լոռու մարզերի ևս 100 ընտանիքի բնակարանային խնդիր լուծում է ստանում

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: ՀՀ կառավարությունը պետական բյուջեից կհատկացնի 560 մլն դրամ Շիրակի և Լոռու մարզերի բնակավայրերում (հիմնականում՝ Գյումրի քաղաքում) բնակարանային պայմանները բարելավելու իրավունք ունեցող 100 ընտանիքի բնակարանային խնդիրը լուծելու նպատակով: «Արմենպրես»-ի հաղորդմամբ` այս մասին որոշման նախագիծն ընդգրկված է գործադիրի ապրիլի 27-ի նիստի օրակարգում:

Արդյունքում, դեռևս լուծման կարիք կունենա ՀՀ Շիրակի, Լոռու և Արագածոտնի մարզերի բնակավայրերի 553 ընտանիքի բնակարանային խնդիրը, որի լուծման համար կպահանջվի մոտ 4 մլրդ դրամ:

ՀՀ Շիրակի, Լոռու և Արագածոտնի մարզերի բնակավայրերում երկրաշարժի հետևանքով անօթևան մնացած, սահմանված կարգով համապատասխան համայնքների ղեկավարների կողմից հաշվառված և աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման նպատակով պետական աջակցությամբ իրականացվող բնակապահովման ծրագրի շրջանակում 2008-2016 թվականների ընթացքում ծրագրի շահառու է ճանաչվել 5381 ընտանիք:

Նշված 5381 ընտանիքից 2008-2016 թվականներին մոտ 64 մլրդ. դրամ միջոցների հաշվին, լուծվել է 4728 ընտանիքի բնակարանային խնդիր:

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2026 ARMENPRESS

Ստեղծվել է՝ MATEMAT-ում