Airbus-ի շահույթն զգալի անկում Է արձանագրել ընդգրկուն դուրսգրումների պատճառով
16:04, 22 Փետրվար 2017
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Եվրոպայի Airbus Group NV օդատիեզերական կորպորացիան 2016 թվականին զուտ շահույթը երկու երրորդով կրճատել Է A400M ռազմափոխադրական ինքնաթիռի մատակարարումների ձգձգման պատճառով, տեղեկացնում Է «Արմենպրես»-ը:
Ինչպես ասված Է ընկերության մամուլի տեղեկագրում, անցյալ տարվա արդյունքներով զուտ շահույթը կազմել Է 995 միլիոն եվրո՝ մեկ տարի առաջվա 2,7 միլիարդ եվրոյի համեմատությամբ:
Տարեկան EBIT-ն՝ առանց միանվագ գործոնների հաշվառման նվազել Է 3,6 տոկոսով՝ մինչեւ 3,96 միլիարդ եվրո, ինչը փոքր-ինչ բարձր Է եղել շուկայի կանխատեսումից: Հասույթն ավելացել Է 3 տոկոսով՝ մինչեւ 66,58 միլիարդ եվրո:
Անցյալ տարի Airbus-ն սպասարկյալներին մատակարարել Է A400 17 ինքնաթիռ՝ խոստացված 20-ի փոխարեն: Դուրսգրումների չափը կազմել Է 1,2 միլիարդ եվրո՝ ի հավելումն արդեն հայտարարված 1 միլիարդ եվրոյին:
Մեկ տարում Airbus-ն սպասարկյալներին Է մատակարարել 688 ինքնաթիռ՝ 2015 թվականի 635-ի դիմաց, 2017 թվականին սպասվում Է մատակարարոմւների աճ մինչեւ ավելի քան 700 ավիահանրանավ, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում