1000х90.jpg (78 KB)

Երևանում՝ 11:07,   28 Մարտ 2024

Հայերի տառապանքները մոռացված չեն. Օզդեմիրը ստացել է «Ազատության մրցանակը»

Հայերի տառապանքները մոռացված չեն. Օզդեմիրը ստացել է «Ազատության մրցանակը»

ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հայ դատի Եվրոպայի գրասենյակը Բեռլինում Գերմանիայի Կանաչների կուսակցության համանախագահ, Բունդեսթագի ազգությամբ թուրք պատգամավոր Ջեմ Օզդեմիրին է հանձնել Հայ դատի ԱՄՆ Արևմտյան ափի հանձնախմբի շնորհած «Ազատության մրցանակը»: Ինչպես հաղորդում է «Արմենպրես»-ը, մրցանակն Օզդեմիրին շնորհվել է Հայոց ցեղասպանության բանաձևի ընդունման հարցում նրա գործադրած ջանքերի համար:

Բեռլինում մրցանակը Բունդեսթագի պատգամավորին է հանձնել Հայ դատի Եվրոպայի գրասենյակի նախագահ Գասպար Կարապետյանը:

«Պատիվ ունեմ: Հայերի տառապանքները մոռացված չեն»,- նշել է Օզդեմիրը:

Մրցանակին նախկինում արժանացել են իրավաբան, գրող, մարդու իրավունքների ակտիվիստ Ֆեթիյե Չեթինը, հայտնի իրավաբան Ռոբերտ Մորգենթաուն, Հայաստանում ԱՄՆ նախկին դեսպան Ջոն Էվանսը, Պուլիցերյան մրցանակի արժանացած գրող եւ ՄԱԿ-ում ԱՄՆ ներկայիս դեսպան Սամանթա Փաուերը, ինչպես նաև ԼՂՀ նախագահ Բակո Սահակյանը եւ այլք:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]