Սիրիայի նախագահը հավաստել է Աստանայում բանակցելու պատրաստակամությունը
11:11, 9 Հունվար 2017
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Սիրիայի նախագահ Բաշար Ասադը հավաստել Է սիրիական հակամարտության կարգավորման շուրջ Աստանայում բանակցություններ վարելու պատրաստակամությունը, նշելով, որ Դամասկոսի կողմից երկխոսության ոչ մի սահմանափակում չկա, տեղեկացնում Է «Արմենպրես»-ը:
«Իհարկե, մենք պատրաստ ենք եւ հայտարարել ենք, որ մեր պատվիրակությունը պատրաստ Է մեկնել այդ խորհրդաժողովին… երբ կսահմանվի խորհրդաժողովի անցկացման ժամանակը: Մենք պատրաստ ենք բանակցել բոլոր հարցերի շուրջ… Բանակցություններում սահմանափակումներ չկան»,-հայտարարել Է Ասադը ֆրանսիացի լրագրողներին տված հարցազրույցում, որի տեքստը հրապարակել Է SANA գործակալությունը:
Բաժանորդագրվեք մեր ալիքին Telegram-ում