Նորք-Մարաշի և Քանաքեռ-Զեյթունի շախմատի մարզադպրոցները հանձնվել են վարչական շրջանների ենթակայությանը
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի ավագանու` հոկտեմբերի 26-ին գումարած հերթական նիստում հաստատվել են «Երևանի Նորք-Մարաշի շախմատի մանկապատանեկան մարզադպրոց» և «Երևանի Քանաքեռ-Զեյթունի շախմատի մանկապատանեկան մարզադպրոց» համայնքային ոչ առևտրային կազմակերպությունների կանոնադրությունները, ինչպես նաև նշված կազմակերպությունները Երևան քաղաքի համապատասխան վարչական շրջանների ենթակայությանը հանձնելու մասին որոշման նախագիծը: Այս մասին «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից:
Մինչ այս Երևան քաղաքի ավագանու որոշմամբ Ավանի, Աջափնյակի, Արաբկիրի, Դավթաշենի, Էրեբունու, Կենտրոնի, Մալաթիա-Սեբաստիայի, Նոր Նորքի, Նուբարաշենի շախմատի դպրոցները նույնպես հանձնվել էին վերոնշյալ վարչական շրջանների ղեկավարների ենթակայությանը: Այսպիսով, մայրաքաղաքի բոլոր վարչական շրջաններն ունեցան շախմատի իրենց մանկապատանեկան մարզադպրոցները:
Բաժանորդագրվեք մեր ալիքին Telegram-ում