Սիրիայի իշխանությունների դաշնակիցը սպառնացել է Թուրքիային
15:47, 26 Հոկտեմբեր 2016
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի իշխանությունների դաշնակից ուժերի հրամանատարը նախազգուշացրել է Թուրքիային` հորդորելով չմոտենալ Հալեպի հյուսիսային և արևելյան դիրքերին: Ինչպես հաղորդում է «Արմենպրես»-ը, այս մասին աղբյուրը խոսել է Reuters-ին տված մեկնաբանության մեջ:
Նա հայտարարել է, որ հակառակ դեպքում թուրքական կողմի գործողությունները կհանդիպեն իրենց կողմից «վճռականության և ուժի»: Հրամանատարը, ում քաղաքացիությունը կամ ազգային պատկանելիությունը չի նշվում, ընդգծել է, որ թուրքական կողմի ցանկացած գործողություն կդիտվի որպես «կարմիր գծի հատում»:
«Մենք թույլ չենք տա որևէ մեկին «Իսլամական պետություն» խմբավորման դեմ պայքարելու պատրվակով փորձ անել մոտենալ դաշնակից ուժերի դիրքերին»,- ասել է նա:
Բաժանորդագրվեք մեր ալիքին Telegram-ում