Ճապոնիայի ափերի մոտ աղետի ենթարկված լցանավից քիմիկատները կտեղափոխեն այլ նավ
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Ճապոնիայի առափնյա պահպանությունն սկսել Է Յամագուտիի պրեֆեկտուրայի ափերի մոտ աղետի ենթարկված «Եվա մարու» լցանավից նատրիումի հիդրօքիդի բեռն այլ նավ տեղափոխելու նախապատրաստումը: Այս մասին, ինչպես տեղեկացնում Է «Արմենպրես»-ը, հայտնել Է NHK հեռուստաալիքը:
Ավելի վաղ Ճապոնիայի Ծովի անվտանգության վարչությունում, որը զուգակցում Է առափնյա պահպանության եւ փրկարարական ծառայության գործառույթները, ՏԱՍՍ-ին հաղորդել են, որ աղետի վայրում թունավոր նյութերի ոչ մի կարգի արտահոս չի հայտնաբերվել:
Ներկայում լցանավը գտնվում Է ափից 350 մետրի վրա կայուն վիճակում՝ 22 աստիճան կողաթեքմամբ: Նավից վառելիքի արտահոս նույնպես չի գրանցվել:
Շուրջ 50 մետր երկարությամբ լցանավում կա 400 տոննա նատրիումի հիդրօքսիդ (կաուստիկ սոդա): Դրա հատվածամասերից մեկում սկսել Է ջուր լցվել Ներքին Ճապոնական ծովի ափի Յամագուտիի պրեֆեկտուրայի Սենան նավահանգստից դուրս գալուց գրեթե անմիջապես հետո: Չորս մարդուց բաղկացած անձնակազմը տարահանվել Է, նրանցից ոչ ոք չի տուժել:
Բաժանորդագրվեք մեր ալիքին Telegram-ում