ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ֆրանսիայի նախագահ Ֆրանսուա Օլանդը Կալե նավահանգիստ կատարած ուղեւորության ժամանակ հայտարարել Է, որ միգրանտների «Ջունգլի» ճամբարը «ամբողջովին ու վերջնականպես կապամոնտաժվի», տեղեկացնում Է «Արմենպրես»-ը՝ հղում անելով BBC-ին:

Ելույթի ընթացքում Օլանդը նաեւ Բրիտանիային կոչ Է արել իր դերը խաղալ ճգնաժամի լուծման գործում:

Կալեն Բրիտանիային ամենամոտ բնակավայրն Է աշխարհամասում, այնտեղ Է գտնվում Ֆրանսիան եւ Բրիտանիան կապող ստորգետնյա Եվրաթունելի տերմինալը:  

Փախստականների ճամբարում, որը հայտնի Է «Ջունգլի» անվամբ, ապրում Է յոթից մինչեւ 10 հազար անօրինական միգրանտ, որոնցից շատերը ձգտում են հասնել Բրիտանիա եւ սպասում են, թե երբ իրենք հնարավորություն կունենան կտրել-անցնելու Լա Մանշը:

Սեպտեմբերի 26-ին Ֆրանսիայի նախագահը Կալեում հանդիպել Է ոստիկանների, նավահանգստի պաշտոնյաների եւ քաղաքական գործիչների հետ:  

Օլանդը հայտարարել Է, որ թեեւ Բրիտանիան «անկախ որոշում» Է ընդունել (նկատի ունենալով Եվրամիությունից Բրիտանիայի դուրս գալը), դա նրան չի ազատում Ֆրանսիայի նկատմամբ պարտավորություններից:

Լուսանկարը`AP