Չեխիա-Հայաստան հանդիպումը կհեռարձակվի Հանրային հեռուստաընկերությամբ
18:51, 31 Օգոստոս 2016
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Հայաստանի և Չեխիայի ազգային հավաքականների միջև Մլադա Բոլեսլավում կայանալիք ընկերական հանդիպումն այնուամենայնիվ հեռարձակվելու է Հայաստանում: «Հանրային հեռուստաընկերությունը, կարևորելով ֆուտբոլի Հայաստանի ազգային հավաքականի հանդիպումների հեռարձակումը, այսօր կցուցադրի Մլադա Բոլեսլավ քաղաքում կայանալիք Չեխիա – Հայաստան ֆուտբոլային ընկերական հանդիպումը»,- «Արմենպրես»-ի փոխանցմամբ` հայտնում է հեռուստաընկերության ֆեյսբուքյան էջը:
Խաղը կմեկնարկի Երևանի ժամանակով 21:15-ին և կլինի Առաջինի ուղիղ եթերում:
Բաժանորդագրվեք մեր ալիքին Telegram-ում