«Յոթնյակի» ԱԳ նախարարները Հիրոսիմայում հռչակագիր են ընդունել միջուկային զինաթափման մասին
ԵՐԵՎԱՆ, 11 ԱՊՐԻԼԻ, ԱՐՄԵՆՊՐԵՍ: «Յոթնյակի» երկրների ԱԳ նախարարները հռչակագիր են ընդունել միջուկային զինաթափման եւ չտարածման վերաբերյալ, որն ստացել Է Հիրոսիմայի հռչակագիր անվանումը: Համապատասխան փաստաթուղթը հաստատվել Է Հիրոսիմայում կայացած հանդիպման արդյունքների հիման վրա, տեղեկացնում Է «Արմենպրես»-ը՝ հղում անելով ՏԱՍՍ-ին:
«Այս պատմական հանդիպմանը մենք հավաստում ենք մեր հավատարմությունը բոլորի համար առավել անվտանգ աշխարհի որոնմանը, ինչպես նաեւ միջուկային զենքից զերծ աշխարհի համար պայմանների ստեղծմանը»,- նշվում Է դրանում: «Ոչ մի պետություն չպետք Է միջուկային փորձարկումներ անցկացնի»,- ասված Է Հիրոսիմայի հռչակագրում:
«Յոթնյակի» երկրների ԱԳ նախարարները նաեւ դատապարտել են Հյուսիսային Կորեայի կողմից անցկացված միջուկային փորձարկումը եւ բալիստիկ հրթիռների արձակումը: Համապատասխան դիրքորոշումը տեղ Է գտել G7-ի արտաքին գործերի նախարարների ամփոփիչ հայտարարության մեջ:
Բաժանորդագրվեք մեր ալիքին Telegram-ում