ՌԴ-ն լիովին դադարեցրել Է ուկրաինական բեռնատար փոխադրամիջոցների տարանցումը
ԵՐԵՎԱՆ, 16 ՓԵՏՐՎԱՐԻ, ԱՐՄԵՆՊՐԵՍ: Ռուսաստանը փետրվարի 16-ից դադարեցնում Է իր տարածքով Ուկրաինայում գրանցված բեռնատար փոխադրամիջոցների տարանցումը: Այդ մասին, ինչպես տեղեկացնում Է «Արմենպրես»-ը, հայտնել Է ՌԴ-ի տրանսպորտի նախարարությունը:
«Ուկրաինայի տարածքով ռուսաստանյան բեռնատար փոխադրամիջոցների երթեւեկության արգելափակման առնչությամբ 2016 թվականի փետրվարի 16-ի՝ Մոսկվայի ժամանակով ժամը 12:00-ից ՌԴ-ի տարածքում լիովին դադարեցվում Է ուկրաինական բեռնատար փոխադրամիջոցների երթեւեկությունը, որոնք բեռների տարանցիկ փոխադրումներ են իրականացնում»,- ասված Է հաղորդագրության մեջ:
Ղազախստանի տարածք բեռների առաքումը՝ ՌԴ-ի նախագահի այս տարվա հունվարի 1-ի հրամանագրին համապատասխան, կշարունակվի, բայց այլ պետությունների փոխադրողներով, ընդգծել են տրանսպորտի նախարարությունում: Ավելի վաղ տեղեկացվել Էր, որ այժմ «Ռոստրանսնադզորի» մարմինների կողմից ՌԴ-ի տարածքում դադարեցված Է 324 ուկրաինական բեռնատար փոխադրամիջոցների երթեւեկությունը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում