Սեբաստիայի հայկական գերեզմանատունն այլևս աղբանոց չէ
1 րոպեի ընթերցում
![Սեբաստիայի հայկական գերեզմանատունն այլևս աղբանոց չէ](http://armenpress.am/resized/480/static/news/b/2015/11/826911.jpg)
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Թուրքիայի տարածքում գտնվող Սիվաս (Սեբաստիա) գավառում աղբանոցի վերածված հայկական գերեզմանոցը մաքրվել է աղբից: Ինչպես հաղորդում է «Արմենպրես»-ը, Ստամբուլի հայկական «Ակոս» պարբերականը տեղեկացնում է, որ գերեզմանը, որը վերածվել է աղբանոցի, ռազմական նշանակության օբյեկտի հարակից տարածքում է:
Հանրության օգտին իրականացվող աշխատանքների շրջանակում գերեզմանատան տարածքը մաքրվել է աղբից: Խոսելով այդ աշխատանքների մասին՝ դրանք համակարգող ընկերության ղեկավար Նուրեթթին Քյոքսալն ասել է. «Անգամ եթե ուշացած էլ լինի, պետք է մեր պարտքը տանք շուրջ 800 տարվա հարևան հայերին»:
Սիվասում ռազմական տարածքի մեջ է մտնում պատմական հայկական Սուրբ Հակոբ եկեղեցին, ոը տարածաշրջանում վերանորոգման սպասող կառույցների շարքում է: