ՀՀԿ-ն սահմանադրական բարեփոխումների վերաբերյալ քննարկում կանցկացնի
15:57, 16 Հուլիս 2015
ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Հայաստանի Հանրապետական կուսակցությունը կքննարկի Սահմանադրության 7 գլուխների նախագծի նախնական տարբերակը, որը հրապարակել է սահմանադրական բարեփոխումների մասնագիտական հանձնաժողովը:
«Արմենպրես»-ի հետ զրույցում ՀՀԿ կազմակերպչական հանձնաժողովի նախագահ Ռուբեն Թադևոսյանը հայտնեց, որ հուլիսի 16-ին կուսակցության կենտրոնական գրասենյակում ՀՀԿ խորհրդի անդամների մասնակցությամբ տեղի կունենա խորհրդակցություն, որի ժամանակ քննարկվելու են Սահմանադրության նախագծի նախնական տարբերակի հրապարակված գլուխները: Հուլիսի 16-ին տեղի կունենա նաև ՀՀԿ գործադիր մարմնի նիստը:
Բաժանորդագրվեք մեր ալիքին Telegram-ում