Նախագահի հրամանագրով Յուրի Բաշմետը պարգևատրվել է Պատվո շքանշանով
1 րոպեի ընթերցում
![Նախագահի հրամանագրով Յուրի Բաշմետը պարգևատրվել է Պատվո շքանշանով](http://armenpress.am/resized/480/static/news/b/2013/09/732690.jpg)
ԵՐԵՎԱՆ, 12 ՍԵՊՏԵՄԲԵՐԻ, ԱՐՄԵՆՊՐԵՍ: Հայ-ռուսական մշակութային կապերի ամրապնդման և զարգացման գործում ներդրած ավանդի, համաշխարհային երաժշտարվեստի բնագավառում ունեցած մեծ վաստակի համար «Մոսկվայի մենակատարներ» կամերային նվագախմբի և «Նոր Ռուսաստան» սիմֆոնիկ նվագախմբի գեղարվեստական ղեկավար և գլխավոր դիրիժոր Յուրի Բաշմետը (ՌԴ) պարգևատրվել է Պատվո շքանշանով: Ինչպես «Արմենպրես»-ին տեղեկացրին ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից, այս մասին հրամանագիրը ստորագրել է ՀՀ Նախագահ Սերժ Սարգսյանը` ղեկավարվելով Հայաստանի Հանրապետության Սահմանադրության 55-րդ հոդվածի 16-րդ կետով և հիմք ընդունելով «Հայաստանի Հանրապետության պետական պարգևների մասին» Հայաստանի Հանրապետության օրենքը: