Կիլիկյան ճեմարանը ամառային դպրոց է բացել սիրիահայ երեխաների համար
ԵՐԵՎԱՆ 3 ՕԳՈՍՏՈՍԻ, ԱՐՄԵՆՊՐԵՍ: Սիրիայի Կիլիկյան ճեմարանը ամառային դպրոց է բացել արձակուդներին իրենց տները վերադառնալու հնարավորություն չունեցող սիրահայ երեխաների համար: Ինչպես հաղորդում է «Արմենպրես»-ը` վկայակոչելով Մեծի Տանն Կիլիկիո հայ կաթողիկոսության պաշտոնական կայքը, Սիրիայում բռնկված քաղաքացիական պատերազմի պատճառով ճեմարանի շատ ուսանողներ չեն կարողացել միանալ իրենց ընտանիքներին կարճատև արձակուրդի ժամանակ, ուստի ճեմարանի տնօրինություն ամառային դպրոցի նոր ծրագիր է մշակել: Հուլիսի 1-ից սեպտեմբերի 28-ն ընթացող երկու ուսումնական կիսամյակների ժամանակ ուսանողները կհաճախեն Հին և Նոր Կտակարանների ուսումնասիրության, Հայ եկեղեցու պատմության, Մեծի Տանն Կիլիկիո Կաթողիկոսության պատմության, գրաբարի, արևմտահայերենի, արաբերենի, անգլերենի, ֆրանսերենի, գեղանկարչության, երգի և դաշնամուրի դասերի:
Բաժանորդագրվեք մեր ալիքին Telegram-ում