Ժամանակը Երևանում՝ 11:07:36,   17 Նոյեմբեր

Մխիթար Գոշի արձանը կանգնեցվեց Տառերի պուրակում


ԻՋԵՎԱՆ, 25 ՍԵՊՏԵՄԲԵՐԻ, ԱՐՄԵՆՊՐԵՍ (սեփ. թղթ. Լիա Ներկարարյան): Տավուշի մարզպետ Արմեն Ղուլարյանի եւ Նիգ-Ապարան հայրենակցական միության պատվավոր նախագահ, ՀՀ գլխավոր դատախազ Աղվան Հովսեփյանի նախաձեռնությամբ, երեկ Աշտարակի Տառերի պուրակում բացվեց Տավուշի մարզը խորհրդանշող միջնադարի հայ մշակույթի խոշորագույն դեմքերից մեկի` տավուշցի մեծ մտածող Մխիթար Գոշի արձանը: Միջոցառմանը ներկա տավուշցի մասնակիցները շնորհակալ էին նախաձեռնողներին` նման ձեռնարկի համար: Քանդակի հեղինակը գյումրեցի Սամվել Հակոբյանն է: Արարողությանը ներկա էին Նիգ-Ապարան հայրենակցական միության պատվավոր նախագահ, ՀՀ գլխավոր դատախազ Աղվան Հովսեփյանը, Տավուշի մարզպետ Արմեն Ղուլարյանը, հրավիրյալներ, տավուշցիներ: Իր ելույթում Տավուշի մարզպետի խորհրդական Ռուբեն Սիմոնյանը պատմեց Մխիթար Գոշի կյանքի ու գործունեության մասին: Միջոցառումը եզրափակվեց համերգային ծրագրով:



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ