Ժամանակը Երևանում՝ 11:07:36,   18 Հոկտեմբեր

Երեւանի տրամվայի ապամոնտաժված ռելսերը չեն վաճառվում


ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ(թղթ. Էլմիրա Բաղդասարյան): Հունիսից սկսած մինչեւ այսօր գնորդ չլինելու պատճառով չի կայանում մայրաքաղաքի տրամվայի ապամոնտաժված ռելսերի աճուրդային վաճառքը: Վաճառքի է հանված 800 տոննա ընդհանուր քանակի ռելս, որի մեկ տոննայի համար սահմանված մեկնարկային գինը կազմում է 80 դոլարին համարժեք դրամ: Ըստ Երեւանի քաղաքապետարանի տրանսպորտի վարչության պետ Արեգ Բարսեղյանի, առայժմ մեկնարկային գնի եւ աճուրդային ձեւի փոփոխություն չի նախատեսվում: Ի դեպ, դեռեւս աճուրդի սկզբում «Ադամանդե ապրանքահումքային բորսայի նախագահ Գրիգոր Վարդիկյանը նշել էր, որ աճուրդի հանված ապրանքի մեկնարկային գինը բավականին բարձր է: Ըստ նրա, կողմնորոշիչ շուկայական գին կարող է համարվել 50 դոլարին համարժեք դրամը: Հիշեցնենք, որ աճուրդն անցկացվում է «Ադամանդե ապրանքահումքային բորսայում, դասական կարգով, որով մեկնարկային գինն աճում է յուրաքանչյուր քայլին 2 դոլարին համարժեք դրամով:



youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ