Երևանում՝ 11:07,   21 Մայիս 2024

Վրաստանի խորհրդարանն առաջին ընթերցմամբ ընդունել է «Օտարերկրյա գործակալների» մասին աղմկահարույց օրենքը

Վրաստանի խորհրդարանն առաջին ընթերցմամբ ընդունել է «Օտարերկրյա 
գործակալների» մասին աղմկահարույց օրենքը

ԵՐԵՎԱՆ, 17 ԱՊՐԻԼԻ, ԱՐՄԵՆՊՐԵՍ։ Վրաստանի խորհրդարանն առաջին ընթերցմամբ հավանություն է տվել «Օտարերկրյա ազդեցության թափանցիկության մասին» օրինագծին։

«Արմենպրես»-ի հաղորդմամբ՝ այս մասին հայտնում է «Սպուտնիկ-Վրաստան»-ը։

Փաստաթղթին կողմ է քվեարկել 83 պատգամավոր, դեմ՝ ոչ ոք։ Քվեարկությունն անցել է առանց ընդդիմության մասնակցության։

Օրենքը պարտավորեցնում է արտերկրից ֆինանսավորվող հասարակական կազմակերպություններին և լրատվամիջոցներին գրանցվել հատուկ ռեեստրում և լրացնել տարեկան հայտարարագրերը:

Աղմկահարույց օրինագիծն առաջացրել է Վրաստանի ընդդիմության և հասարակական կազմակերպությունների դժգոհությունը։ Ընդդիմադիրները պնդում են, որ դա Ռուսաստանի կողմից պարտադրված օրենք է։ Օրենքին դեմ է արտահայտվել նաև Վրաստանի նախագահ Սալոմե Զուրաբիշվիլին՝ նշելով, որ Վրաստանը չի համակերպվի Վրաստանի կրկնակի խորհրդայնացման հետ։ ԱՄՆ-ն, ԵՄ-ն, ԵՄ առանձին երկրներ, ՆԱՏՕ-ն ու Եվրոպայի խորհուրդը Վրաստանի իշխանություններին կոչ էին արել զերծ մնալ օրենքն ընդունելուց։ Եվրոպական խորհրդի նախագահ Շառլ Միշելն ապրիլի 16-ին հայտարարել էր, որ Վրաստանը Եվրոպային մոտենալու պատրաստակամություն էր հայտնել, և ԵՄ-ն այդ երկրին թեկնածուի կարգավիճակ էր տվել, սակայն շեշտել էր, որ այդ օրինագծի ընդունման դեպքում Վրաստանը ոչ թե կմոտենա Եվրոպային, այլ կհեռանա։  


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am