368.52
ԵԱՏՄ-ում առևտրի ծավալը 2023 թվականին կարող է գերազանցել 100 միլիարդ դոլարը
1 րոպեի ընթերցում
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Եվրասիական տնտեսական միության (ԵԱՏՄ) երկրների միջև փոխադարձ առևտրի ծավալը 2023 թվականին, կանխատեսումներից մեկի համաձայն` կարող է գերազանցել 100 միլիարդ դոլարը։ Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին հայտարարել է ՌԴ փոխվարչապետ Ալեքսեյ Օվերչուկը Մոսկվայում Միջազգային մաքսային համաժողովի ժամանակ։
«Կա առանձին կանխատեսում, որ կգերազանցենք 100 միլիարդ դոլարը (խմբ․՝ ԵԱՏՄ-ի շրջանակներում փոխադարձ առևտրի ծավալը)», - ասել է փոխվարչապետը՝ պատասխանելով լրագրողների հարցին։
Ինչպես նշել է Օվերչուկը, 2022 թվականի վերջին ասոցիացիայի երկրների միջև փոխադարձ առևտրի ծավալը հասել է 84 մլրդ դոլարի: Նրա կարծիքով՝ միության շրջանակներում բարենպաստ պայմաններ են ստեղծվել հինգ երկրների գործարարության փոխգործակցության համար։
Այժմ ԵԱՏՄ-ն բաղկացած է հինգ պետություններից՝ Հայաստան, Ռուսաստան, Բելառուս, Ղազախստան և Ղրղզստան:
Բաժանորդագրվեք մեր ալիքին Telegram-ում