Փաշինյանն ու Մակրոնն ընդգծել են ԼՂ-ում դեէսկալացիայի համար միջազգային մեխանիզմերի կիրառման անհրաժեշտությունը
1 րոպեի ընթերցում
![Փաշինյանն ու Մակրոնն ընդգծել են ԼՂ-ում դեէսկալացիայի համար միջազգային մեխանիզմերի կիրառման անհրաժեշտությունը](http://armenpress.am/resized/480/static/news/b/2023/09/1119915.jpg)
ԵՐԵՎԱՆ, 19 ՍԵՊՏԵՄԲԵՐԻ, ԱՐՄԵՆՊՐԵՍ։ Տեղի է ունեցել վարչապետ Նիկոլ Փաշինյանի հեռախոսազրույցը Ֆրանսիայի նախագահ Էմանուել Մակրոնի հետ:
«Արմենպրես»-ի փոխանցմամբ՝ այս մասին ֆեյսբուքի էջում գրել է վարչապետի մամուլի քարտուղար Նազելի Բաղդասարյանը:
«Քննարկվել է Ադրբեջանի հարձակումից հետո Լեռնային Ղարաբաղում ստեղծված իրավիճակը:
Երկուստեք ընդգծվել է ուժի կիրառման անթույլատրելիությունը եւ դեէսկալացիայի համար միջազգային մեխանիզմերի կիրառման անհրաժեշտությունը:
Ֆրանսիայի նախագահը տեղեկացրել է, որ ստեղծված իրավիճակի կապակցությամբ Ֆրանսիան ՄԱԿ-ի ԱԽ-ում հրատապ նիստ է նախաձեռնում», - գրել է նա::